212 hərbçi dünyasını dəyişib – Cənubi Qafqazda – MÜQAYİSƏLİ STATİSTİKA

 

“Xəzər” Hərbi Tədqiqatlar İnstitutunun (Caspian Defense Studies Institute CDSI) Azərbaycan, Gürcüstan və Ermənistanın rəsmi qurumlarının məlumatları, Kütləvi İnformasiya Vasitələri üzərində apardığı monitorinqin nəticələrinə görə, 2016-cı ilin ötən dövründə (aprelin 16-dək) 3 ölkənin Təhlükəsizlik və Müdafiə sektoru ümumilikdə 212 hərbi qulluqçusunu itirib. Onların 182 nəfəri atəşkəs pozuntusu, 30 nəfəri isə qeyri-döyüş itkiləridir.

Qeyd 1: Döyüş itkiləri əsasən aprelin 2-5-də Azərbaycan və Ermənistan hərbi qüvvələrinin təmas xəttində aparılan hərbi əməliyyatlar zamanı ortaya çıxıb. Mətbuatda dərc olunan məlumatlara görə (adlı siyahı üzrə), həmin hərbi əməliyyatlarda (2-5 aprel) Azərbaycan tərəfi 92, Ermənistan tərəfi isə 77 hərbi qulluqçusunu itirib. Hər iki tərəfin müvafiq dövr üçün hərbi itkilərinin daha çox olması ehtimalı var. Azərbaycan və Ermənistan Müdafiə Nazirlikləri qarşılıqlı olaraq qarşı tərəfin daha çox hərbi itki verdiklərini iddia edir.

Qeyd 2: Aprelin 2-5-də baş verən hərbi əməliyyatlar zamanı Azərbaycan və Ermənistana aid xeyli sayda hərbi qulluqçu məhz mina partlayışından dünyasını dəyişib və ya yaralanıb. Bu istiqamətdə dəqiq, adlı məlumatları tam aydınlaşdırmaq mümkün olmayıb.

cdsi-emblem2

Azərbaycan

Azərbaycan Təhlükəsizlik və Müdafiə sektorunda 104 hərbi qulluqçu dünyasını dəyişib. Dünyasını dəyişənlərin 99-u döyüş, 5-i isə qeyri döyüş itkisidir.

Silahlı Qüvvələrin 99 hərbi qulluqçusu cəbhə xəttində Ermənistan tərəfinin açdığı atəş nəticəsində həlak olub (bəziləri mina partlayışından dünyasını dəyişib). Bundan başqa bir hərbi qulluqçu avtomobil qəzası, bir əsgər xəstəlik nəticəsində, bir nəfərin intihar etdiyi, bir nəfərin isə bədbəxt hadisədən dünyasını dəyişdiyi bildirilir. Bir nəfərsə əsgər yoldaşının açdığı atəş nəticəsində dünyasını dəyişib. Dünyasını dəyişənlərin 52-i əsgər, 16-i müddətdən artıq hərbi xidmət keçən hərbi qulluqçu, 12 gizir, 24 nəfərsə zabit olub. Dünyasını dəyişənlərin 103 nəfəri Müdafiə Nazirliyinin, 1-i isə Dövlət Sərhəd Xidmətinin hərbi qulluqçuları olublar.

Ötən dövrdə ümumilikdə 48 hərbi qulluqçu yaralanıb (və ya xəsarət alıb). 43 hərbçi erməni tərəfinin gülləsindən yaralanıb, 3 nəfər minaya düşüb. bundan başqa bir hərbçi (MN) avtoqəza nəticəsində xəsarət alıb, bir nəfərsə (DTX) təlim zamanı qumbara partlaması nəticəsində xəsarət alıb.

Qeyd 3: 2-5 aprel tarixlərində aparılan hərbi əməliyyatlar nəticəsində Azərbaycan tərəfindən yaralanan və ya xəsarət alan hərbi qulluqçuların sayının daha çox olması ehtimalı var. Bu istiqamətdə hər hansı rəsmi statistika yoxdur.

Ermənistan

Ermənistan Silahlı Qüvvələrinin 106 hərbi qulluqçusu dünyasını dəyişib.

83 hərbçi Azərbaycan tərəfinin atəşindən (eyni zamanda mina partlayışından), 4 nəfərsə avtomobil qəzasından dünyasını dəyişib. Bundan başqa 8 nəfər intihar edib, 7 nəfər əsgər yoldaşı tərəfindən qətlə yetirilib. 4 nəfərsə bədbəxt hadisə (elektrik cərəyanı və naməlum səbəb) nəticəsində dünyasını dəyişib. Dünyasını dəyişənlərin 20-si zabit, 13 nəfəri müqaviləli əsgər, 73 nəfəri isə müddətli xidmət hərbi qulluqçusu olublar. Ölənlərin hamısı Ermənistan Müdafiə Nazirliyinin (o cümlədən Azərbaycanın işğal altında olan Dağlıq Qarabağ ərazisindəki hərbi birləşmələrin) hərbi qulluqçuları olub. Hadisənin 86 nəfəri Azərbaycanın Dağlıq Qarabağ və ona bitişik rayonların ərazisində, 20 nəfəri isə Ermənistan ərazisində baş verib.

Ötən dövrdə Ermənistan Silahlı Qüvvələrinin 140 hərbi qulluqçusu yaralanıb və ya xəsarət alıb. Üç hərbi qulluqçusu (müqaviləli əsgərlər) avtomobil qəzasında xəsarət alıb, 2 nəfər bədbəxt hadisədən. 135 əsgərsə cəbhə xəttində yaralanıb.

Gürcüstan

Müvafiq dövrdə Gürcüstan ordusunun iki hərbi qulluqçusu dünyasını dəyişib.

Onlardan biri H1N1 virusundan, digəri isə bədbəxt hadisə nəticəsində dünyasını dəyişib. Onların hər ikisi (mayor rütbəli və əsgər) Müdafiə Nazirliyinin hərbi qulluqçuları olublar.

Qeyd 4: Gürcüstan Silahlı Qüvvələrində hərbi itkilərin statistikasının fərqli olması istisna deyildir. Bu istiqamətdə araşdırmalar davam edir.

2016-cı ildə Cənubi Qafqaz Silahlı Qüvvələrində itkilər – MÜQAYİSƏLİ STATİSTİKA

Səbəblər Azərbaycan Ermənistan Gürcüstan Cəm
Atəşkəs pozuntusu 99 83 182
Avtoqəza 1 4 5
Xəstəlik 1 1 2
İntihar 1 8 9
Bədbəxt hadisə 1 4 1 6
Qeyri-nizamnamə hadisəsi 1 7 8
Ümumi 104 106 2 212
Güc strukturları MN – 103 MN-106 MN-2 MN-211
DSX – 1 DSX-1
Yaralıların sayı 48 140 188

Qeyd: MN – Müdafiə Nazirliyi, DSX – Dövlət Sərhəd Xidməti

Məlumat, rəy göndərmək istəyənlər aşağıdakı ünvanlara yaza bilərlər:

Email: caspiandefense@gmail.com

WhatsApp əlaqə nömrəsi: +491738570564

 

Mənbə: “Xəzər” Hərbi Tədqiqatlar İnstitutu

Advertisements

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s